Bugun,

  • USD 11095.31
  • RUB 173.84
  • EUR 10772.44

AQShning sobiq prezidenti Donald Tramp va uning rafiqasi Melaniya yanvar oyidayoq Oq uyda koronavirusga qarshi vaksina qabul qilgan. Bu haqda Trampning maslahatchisiga tayanib, Axios nashri ma’lum qildi, deb yozadi “RBK”.

Foto: Reuters

Foto: Reuters

Sobiq prezident va uning rafiqasi qaysi turdagi vaksina bilan emlangani va qancha doza olganiga aniqlik kiritilmagan. Tramp prezidentligining so‘nggi kuni, 20-yanvarga qadar, AQShda Moderna va Pfizer preparatlari tasdiqlangan edi. Hozirda mamlakatda Johnson & Johnson kompaniyasining vaksinasi ham rasman ma’qullangan.

Eslatib o‘tamiz, Donald va Melaniya Tramp 2020-yil oktabrida koronavirusga chalingan edi. Tramp kasalxonada uch kun yotgan, shundan so‘ng u o‘zini yaxshi his qilayotganini va kasalxonadan chiqib ketayotganini ma’lum qilgan. Kasalxonadan chiqqanidan so‘ng, Tramp vertolyotda Oq uyga uchib borgan va amerikaliklarga videomurojaat yollab, ularni koronavirusdan qo‘rqmaslikka chaqirgan hamda o‘zini 20 yil avvalgidan yaxshiroq his qilayotganini ta’kidlagan.

Shu bilan birga, fevral oyida The New York Times (NYT) gazetasi Amerika hukumatining Donald Trampda koronavirus qanchalik og‘ir kechgani to‘g‘risidagi ma’lumotlarni sir tutganini xabar qildi.

Xabarga ko‘ra, Trampning ahvoli “jamoatchilikka ma’lum qilinganidan” ko‘ra yomonroq bo‘lgan. Uning qonida kislorod miqdori kam bo‘lgani sababli mutaxassislar uni sun’iy nafas oldirish apparatiga ulashga to‘g‘ri kelishidan xavotirlangan. Trampda, shuningdek, koronavirus pnevmoniyasi bilan bog‘liq alomatlar, shu jumladan, o‘pka infiltratsiyasi belgilari bo‘lgani aytilmoqda.

Dekabr oyi o‘rtalarida Tramp koronavirusga qarshi vaksinani hali qabul qilmasligini ma’lum qilgan. Shuningdek, u kerakli vaqtda emlanish imkoniyatini “kutayotganini” ta’kidlagan.

Izoh
Asosiy yangiliklar
Mahalliy
O‘zbekistonda kelasi hafta 42 darajagacha issiq bo‘ladi
Mahalliy
Toshkentda yo‘lning qatnov qismida prank uyushtirgan yigitlar 3 sutkaga qamaldi
Dunyo
Dunyo bo‘ylab millionerlar soni sezilarli darajada kamaydi