Niderlandiyaning Merssen hududi osmonida Boeing 747-400 yuk samolyotining dvigateli yonib ketdi. Uning parchalari aholi yashash punktiga tushdi va bir ayolni jarohatladi. Bu haqda NL Times xabar berdi.
Ma’lumot berilishicha, samolyot Maastrixtdan Nyu-Yorkka qarab yo‘l olgan, lekin parvoz vaqtida uning dvigateli yonib ketgan. Shundan keyin samolyotning ba’zi qismlari yerga tushgan. Detallardan biri o‘sha yerda yashovchi ayolga tegib, jarohat yetkazgan. Shuningdek, bir nechta avtomobilga ham shikast yetgan.
Shu sababli samolyot Belgiyaning Lyej shahriga favqulodda qo‘nishga majbur bo‘ldi.
Ta’kidlanishicha, bu vaziyatda samolyotning o‘zi xavf ostida bo‘lmagan, chunki uning to‘rtta dvigateli bo‘lib, samolyot ularning bittasi bilan ham uchishi mumkin edi.
Avvalroq AQShda samolyot dvigateli bilan bog‘liq hodisadan keyin Boeing kompaniyasiga 777 laynerlar parvozini to‘xtatish tavsiya qilingani va mamlakatda Boeing yo‘lovchi samolyotining yongan dvigateli qoplamasi aholi yashaydigan hududga tushgani haqida xabar berilgan edi.
Izoh (0)