Shavkat Mirziyoyev raisligida 10-fevral “Yoshlarni qo‘llab-quvvatlash va aholi salomatligini mustahkamlash yili” davlat dasturi ijrosini samarali tashkil etish masalalari yuzasidan o‘tkazilgan videoselektor yig‘ilishida ichki ishlar sohasida qilinadigan o‘zgarishlar haqida gapirib o‘tdi, deb xabar beradi “Xabar.uz”.
“Ichki ishlar faoliyatida katta o‘zgarishlar qilish rejalashtirilgan. Jinoyatchilikni kamaytirish va ichki ishlar faoliyatini takomillashtirish bo‘yicha takliflarni ko‘rib chiqamiz. Afsuski hozirga qadar mavjud statistikani yashirish holatlari uchrab turibdi. Sohada o‘zgarish qilish shart. Men ichki ishlar xodimlarining mehnatini qadrlayman. Ularning maoshini oshirish bo‘yicha ish olib bormoqdamiz”, — degan davlat rahbari.
Eslatib o‘tamiz, Prezident Shavkat Mirziyoyev Farg‘onadagi yig‘ilishda huquqni muhofaza qilish idoralari xodimlari bilan suhbatlashib, yangi qaror chiqishi va ichki ishlar tizimida maoshlar oshirilishi mumkinligini ma’lum qilgan.
“Men ichki ishlar xodimlaridan minnatdorman. Pandemiya vaqtida osoyishtaligimizni ta’minlash bo‘yicha ular o‘zini ko‘rsata oldi. Shuning uchun ularning maoshini ko‘tarish, sifatli o‘qitish va yordam ko‘rsatish bo‘yicha chora-tadbirlar ko‘ryapmiz. Bir narsani unutmasligimiz kerak, qachon jinoyatchilikni kamaytirsak, xalq bizdan rozi bo‘ladi”, – degan edi Shavkat Mirziyoyev.
Izoh (0)