Jon Prosser ismli bloger o‘zining anonim manbalariga tayanib, 2021-yilda Apple 1 terabayt ichki xotiraga ega smartfonni taqdim etishi to‘g‘risida xabar bergandi. Hi-Tech.Mail.ru’ning yozishicha, gap 13 Pro va 13 Pro Max modellari haqida ketmoqda.
GizChina ekspert portalida iPhone 13 Pro smartfoni taqdim etilganida uning narxi qancha bo‘lishi taxmin qilib ko‘rildi. Misol tariqasida iPhone 12 seriyasi olinadigan bo‘lsa, 128 gigabayt ichki xotiraga ega iPhone 12 Pro’ning rasmiy narxi 999 dollarni tashkil etadi. 256 va 512 gigabaytli versiyalari esa mos ravishda 1099 hamda 1299 dollarga teng. Xitoyda esa ushbu modellar mos ravishda 1314 dollar, 1439 dollar va 1716 dollardan sotilmoqda.
“Ko‘rib turganimizdek xotira har safar 128 gigabaytga ko‘tarilganida smartfon narxi 100 dollarga qimmatlashmoqda”, — deyiladi xabarda. Xitoyda ichki xotiraning 128 gigabaytga oshishi smartfonning 124 dollarga qimmatlashishiga sabab bo‘lgan. Mazkur tendensiyadan kelib chiqiladigan bo‘lsa, 1 terabayt ichki xotiraga ega iPhone AQShda 1699 dollardan, Xitoyda esa 2165 dollardan sotuvga chiqadi.
Avvalroq Apple tomonidan 2021-yilda taqdim etiladigan smartfonlar lineykasi iPhone 12s nomini olishi, 2021-yilda taqdim etadigan iPhone’ga barmoq izi skanerini o‘rnatishi to‘g‘risida xabar berilgandi.
Izoh (0)