Vakolatlari 20-yanvar kuni tugaydigan AQShning amaldagi prezidenti Donald Tramp xalqqa xayrlashuv videomurojaatini e’lon qildi, deb yozadi Meduza.
“Shu hafta biz yangi ma’muriyatning inauguratsiyasini o‘tkazamiz va men unga Amerika xavfsizligini va gullab-yashnashini ta’minlashda muvaffaqiyatlar tilab, duo qilaman”, — deyiladi murojaatda.
“Men shafqatsiz kurashlar, eng qiyin janglar, eng qiyin qarorlarni o‘z zimmamga oldim — chunki aynan shuning uchun meni saylagansiz. Bizning kun tartibimiz o‘nglar va so‘llar haqida emas, respublikachilar va demokratlar haqida ham emas, balki xalq farovonligi haqida edi”, — dedi u.
Tramp, prezident saylovida uning tarafdorlari 6-yanvar kuni Kapitoliga shiddatli hujum uyushtirgan kundagina mag‘lub bo‘lganini tan oldi. “Barcha amerikaliklar Kapitoliyga hujumdan dahshatga tushgan edi. Siyosiy zo‘ravonlik — bu biz amerikaliklar ulug‘laydigan hamma narsaga hujum. Bunga toqat qilish kerak emas”, — dedi lavozimidan ketayotgan prezident.
Trampning qo‘shimcha qilishicha, u AQShning boshqa mamlakatlar bilan ittifoqlarini qayta tiklagan va “ilgari hech kuzatilmagan darajada” Xitoyga qarshi turgan. Uning ta’kidlashicha, o‘z prezidentligi davrida birorta ham urush boshlamaganligidan faxrlanadi. Tramp o‘zi boshlagan siyosiy harakat “hali endi boshlanayotgani”ni qo‘shib qo‘ydi.
Trampning AQSh prezidenti lavozimidagi vakolatlari 2021-yil 20-yanvarda tugaydi. U shu kuni Vashingtonda bo‘lib o‘tadigan AQShning saylangan prezidenti Jo Baydenning inauguratsiyasida qatnashishdan bosh tortdi.
Mavzuga doir:
- Tramp Amerika qahramonlari milliy bog‘ini qurishni va u yerda Stiv Jobs hamda Uolt Disney uchun yodgorlik o‘rnatishni buyurdi
- Foto: Pandemiya sabab Jo Bayden inauguratsiyasiga kela olmaydiganlar sharafiga o‘rnatilgan minglab bayroqlar
- Tramp Baydenning inauguratsiyasidan bir kun avval koronavirus tufayli AQShga kirishga qo‘yilgan taqiqni bekor qildi
Izoh (0)