Janubiy Koreya olimlari yorilgan va singan joylarni qayta tiklashga qodir material ustida ish olib bormoqda. Koreya ilm-fan va texnologiyalar instituti jamoasining tadqiqoti haqida Sciencealert xabar berdi.
Olimlar ekranni himoya qilib turuvchi klassik shisha o‘rnini egallaydigan rangsiz polimidni yaratmoqda. Bu kabi materialdan egiluvchan ekranga ega smartfonlarda foydalanish mumkin.
Ushbu materialni yaratishda zig‘ir yog‘idan foydalanilgan bo‘lib, u polimerning yorilishi natijasida hosil bo‘lgan sohaga kirishga “o‘rgangan”. Suyuqlik havo ta’sirida qotib qoladi va material o‘z xususiyatini to‘liq qayta tiklaydi.
Bu kabi texnologiyani gadjetlar olamiga joriy etishga hali ancha bor, biroq uning o‘ziga yarasha istiqboli mavjud. Shu turdagi polimerlardan nafaqat smartfonlarda, balki kiyim-kechak yoki quyosh batareyalarida ham foydalanish mumkin bo‘ladi.
Avvalroq Janubiy Koreyaning Sejon universiteti tadqiqot guruhi yangi turdagi quvvatlantirgich ustida ish olib borayotgani, u smartfonni havo orqali quvvatlantira olishi to‘g‘risida xabar berilgandi.
Mavzuga doir: Samsung o‘ta yuqori tiniqlikka ega displey yaratdi
Izoh (0)