Futbol bo‘yicha Angliya Liga Kubogining chorak finalidan o‘rin olgan ikki o‘yin 22-dekabr, seshanba kuni bo‘lib o‘tdi.
“Arsenal” o‘z maydonida “Manchester Siti”ni qabul qildi. Mehmonlar uchrashuvning 3-daqiqasidayoq Gabriel Jezusning goli evaziga oldinga o‘tib oldi. Bunga londonliklar 31-daqiqada Aleksander Lyakazettning goli bilan javob qaytardi.
Ikkinchi bo‘limda “shaharliklar” yana uchta to‘p kiritishga muvaffaq bo‘ldi. Gollarga Riyod Mahrez, Fil Foden va Emerik Lyaport mualliflik qildi.
Yana bir bahsda “Brentford” o‘z uyida “Nyukasl”ni yengdi. Shu tariqa “Manchester Siti” va “Brentford” musobaqa yarim finaliga yo‘l oldi.
APL
¼ final bosqichi
22-dekabr, seshanba
“Arsenal” — “Manchester Siti” 1:4
Gollar: 0:1 – 3 Gabriel Jezus, 1:1 – 31 Lyakazett, 1:2 – 54 Mahrez, 1:3 – 59 Foden, 1:4 – 73 Lyaport.“Arsenal”: Runarsson, Kolashinats, Gabriel, Soaresh, Meytlend-Naylz, Sebalyos, Martinelli (Pepe, 49), Uillok, an-Nenni (Smit-Rou, 66), Mustafi, Lyakazett (Balogun, 77).
“Manchester Siti”: Steffen, Lyaport, Joau Kanselu, Ruben Diash, Zinchenko, Foden, Fernandinyo, Bernardu Silva (Ferran Torres, 70), Rodri (Uoker, 77), Mahrez, Gabriel Jezus (Aguero, 74).
Ogohlantirishlar: an-Nenni (23), Mustafi (25), Bernardu Silva (65).
“Brentford” — “Nyukasl” 1:0
Gol: 1:0 – 66 Dasilva.Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)