Qozog‘istonda koronavirus qurbonlari soni 2173 kishiga, Qirg‘izistonda esa 1328 kishiga yetdi

Qozog‘istonda 19-dekabr holatiga ko‘ra, koronavirusga chalinganlar soni 145 ming kishidan oshdi. Bu haqda mamlakat koronavirusga qarshi kurashish tezkor shtabiga tayanib, Tengrinews xabar berdi.

Ma’lumotlarga ko‘ra, mamlakatda hozirga qadar COVID-19 bilan kasallanganlarning umumiy soni 145 932 nafarga yetgan, ularning 129 525 nafari sog‘aygan, 2173 kishi vafot etgan. Shuningdek, 1-avgustdan buyon Qozog‘istonda 44 338 kishida pnevmoniya aniqlangan bo‘lib, ularning 468 nafari vafot etgan.

Koronavirusga chalinish bo‘yicha holatlar quyidagi hududlarda aniqlangan:

• Olmaota shahri — 17 409;
• Nur-Sulton shahri — 17 487;
• Atirau viloyati — 12 438;
• Qarag‘anda viloyati — 11 634;
• Sharqiy Qozog‘iston viloyati — 18 151;
• G‘arbiy Qozog‘iston viloyati — 8745;
• Chimkent shahri — 5449;
• Olmaota viloyati — 6450;
• Jambil viloyati — 4834;
• Shimoliy Qozog‘iston — 7837;
• Pavlodar viloyati — 8166;
• Kostanay viloyati — 6744;
• Aqmo‘la viloyati — 6514;
• Turkiston viloyati — 3571;
• Mang‘istov viloyati — 3549;
• Qizilo‘rda viloyati — 3339;
• Aqto‘be viloyati — 3615.

Qirg‘izistonda o‘tgan bir sutka ichida yana 232 kishida koronavirus aniqlab, butun mamlakat bo‘ylab COVID-19’ga chalinganlar soni 78 911 kishiga yetdi. Bu haqda mamlakat Sog‘liqni saqlash vazirligiga tayanib, Kaktus-media xabar berdi.

O‘tgan bir sutka ichida koronavirusga chalinish bo‘yicha holatlar quyidagi hududlarda aniqlangan:

• Bishkek — 67;
• Chuy viloyati — 59;
• O‘sh viloyati — 16;
• Jalolobod viloyati — 14;
• Issiqko‘l viloyati — 47;
• O‘sh shahri — 4;
• Botken viloyati — 15;
• Norin viloyati — 5;
• Talas viloyati — 5.

Shuningdek, o‘tgan bir sutka ichida 408 kishiga kasalxonadan javob berilgan. Bugungi kunga qadar 72 459 kishi virusdan sog‘aygan. Qirg‘iziston Sog‘liqni saqlash vazirligi ma’lumotlariga ko‘ra, mamlakatda pandemiya boshlanganidan buyon 1328 kishi COVID-19 qurboniga aylangan.Afg‘oniston Sog‘liqni saqlash vazirligining ma’lumotlariga ko‘ra, o‘tgan bir sutka ichida mamlakatda yana 254 kishida koronavirus aniqlangan, deb xabar beradi Tolo News.

Butun mamlakatda hozirga qadar koronavirus infeksiyasi bilan kasallanganlar soni 50 456 kishiga yetgan.

Bemorlarning 38 724 nafari sog‘aygan bo‘lsa, 2037 kishi virus asoratlari oqibatida vafot etgan.

Vazirlik ma’lumotlariga ko‘ra, bugungi kunga qadar davlat markazlarida 177 831 marta koronavirusga test olingan.

Tojikistonda koronavirusga chalinganlar soni 12 888 kishiga yetdi, deb xabar beradi Central Asia.

O‘tgan bir sutka ichida mamlakatda yana 36 kishida koronavirus aniqlangan.

Mamlakat Sog‘liqni saqlash vazirligining ma’lumotlariga ko‘ra, hozirga qadar Tojikistonda 89 kishi COVID-19 qurboniga aylangan. Hozirga qadar mamlakatda 12 333 kishi sog‘aygan (95,7 foiz).

O‘zbekistonda 19-dekabr soat 10:00 holatiga ko‘ra, koronavirus infeksiyasi qayd etilganlar soni 75 806 nafarni tashkil etmoqda. Bu haqda SSV matbuot xizmati xabar berdi.

Mamlakatda hozirga qadar 73 099 nafar koronavirus infeksiyasiga chalingan fuqarolar tuzalgan va sog‘ayish ko‘rsatkichi 97 foizni tashkil qilmoqda.

Hozirda O‘zbekistonda 2095 nafar bemorga shifokorlar tomonidan belgilangan standartlar bo‘yicha davo choralari ko‘rilmoqda.