Yuradigan archa va Meri Poppins: Yulduzlarning eng ahmoqona Yangi yil liboslari (foto)

Shou-biznes vakillari hamisha ham sahnadagidek tosh-ko‘zli, yaltir-yultur liboslar kiyishni istamasligi, ayrim vaqtlarda bayramona shukuhni o‘zida aks ettiradigan obrazlarda namoyon bo‘lishni istashi mumkin.

Melissa Makkarti

Aktrisa Melissa ahmoqona obrazlardan uyalmaydiganlardan. Jimmi Kimmelning rojdestvooldi shoularidan biriga Makkarti yangi-yil archasini esga soladigan yashil libosda tashrif buyurgan. Eng qizig‘i libos archa o‘yinchoqlar, lampalar bilan bezatilgan bo‘lgan. Boshiga taqib olgan bezagi haqida-ku gapirmasa ham bo‘laveradi.

Ledi Gaga

Aslida ushbu xonandaning kiymagan kiyimi qolmagan. 2013-yildagi  Jingle Bell balidagi kiyinishi ham shunga muvofiq bo‘lgan. Sahnadagi ijro vaqtida yulduzlarga xos kiyingan xonanda konsertdan keyin muxlislar ko‘z o‘ngida yangi-yil archasi obrazida namoyon bo‘lgan. Uning kiyinish uslubidan kelib chiqib baho berilsa, mazkur libosni ancha sipo deb atash mumkin. Oddiy qizil kombinezon kiygan Gaga yashil parik kiygan va o‘yinchoqlar bilan bezatilgan archa shoxlaridan bosh aksessuari sifatida foydalangan.

Beyonse

Sahnabop liboslarda ko‘rib ko‘z o‘rganib qolgan Beyonse aftidan do‘stlari davrasida noodatiy kiyinishni afzal biladi. Rojdestvo ziyofatlaridan biriga u yo‘l-yo‘l trikotaj ko‘ylak ustidan, zar va o‘yinchoqlar bilan bezatilgan kardigan kiyib kelgan. Obrazni santa qalpog‘i va archa ko‘rinishidagi ko‘zoynak bilan yakunlagan.

Jiji Xadid

2019-yilni do‘stlar davrasida kutib olishni istagan Teylor, uyida turli liboslar kiyib ishtirok etiladigan ziyofat uyushtirgan. Uning o‘zi “Ariel” multfilmidagi suv parisi, Bleyk Layvli “Oz mamlakati”dagi Doroti libosini kiygan. Ushbu kechki ziyofatga Jiji, Meri Poppins obrazida kelgan. Bunday libosda model bashang, ammo boshqalar bilan solishtirganda kattalardek kiyingan.