Xitoy va Nepal Everest tog‘ini qayta o‘lchadi. Tog‘ avval hisoblanganidan deyarli bir metr balandroq bo‘lib chiqdi

Xitoy va Nepal hukumatining tadqiqotchilari tomonidan birgalikda o‘lchangan Everest (Jomolungma) tog‘ining yangi rasmiy balandligini e’lon qilindi, deya xabar bermoqda Meduza.

Ma’lum qilinishicha, qayta o‘lchangan tog‘ning balandiligi 8848 metr va 86 santimetr bo‘lib chiqqan.

Ta’kidlanishicha, tog‘ bilan chegaradosh ikki mamlakat 2019-yilda qo‘shma o‘lchov ishlari bo‘yicha kelishib olgandi.

Bungacha ular o‘rtasida “qor qalpog‘i”ni (tog‘ cho‘qqisining qor bilan qoplangan yeri) tog‘ning balandligiga qo‘shib hisoblash zarurligi to‘g‘risida kelishmovchilik kelib chiqqan. Xitoy ilgari tog‘ning balandligini 8844 metr deb baholagan, Nepal esa Xitoy o‘lchovlarini tan olmagan.

Hozirgacha Everest balandligi uchun odatda ishlatiladigan qiymat 8848 metrni tashkil etgan. Ushbu balandlik 1954-yilda Hindiston Geologik xizmati tomonidan o‘lchangan.

Ma’lumot uchun, 2015-yilda Himolay tog‘larida kuchli zilzila sodir bo‘lgan. Geologlar ushbu zilzila tufayli Everest balandligi bir necha metrga o‘zgargan bo‘lishi mumkin, deb taxmin qilgandi.