Futbol bo‘yicha Angliya chempionatining 11-turida “Manchester Yunayted” 5-dekabr, shanba kuni “Vest Hem” mehmoni bo‘ldi.
Uchrashuvning 38-daqiqasida Tomash Souchek londonliklarni hisobda oldinga olib chiqdi. Bunga manchesterliklar ikkinchi bo‘limda uchta gol bilan javob qaytardi.
65-daqiqada Pol Pogba uzoq masofadan fantastik zarba yo‘llab, muvozanatni tikladi. Oradan uch daqiqa o‘tib, Meyson Grinvud mehmonlarning ikkinchi golini urdi. 78-daqiqada Xuan Mataning qoyilmaqom uzatmasidan keyin Markus Reshford darvozabon bilan birga-bir vaziyatga chiqib bordi va imkoniyatni ko‘kka sovurmadi.
Shu tariqa Ole-Gunnar Sulsher shogirdlarining ochkolari 19 taga yetdi va jamoa 4-o‘ringa ko‘tarildi.
APL
11-tur bahsi
5-dekabr, shanba
“Vest Hem” — “Manchester Yunayted” 1:3
Gollar: 1:0 – 38 Souchek, 1:1 – 65 Pogba, 1:2 – 68 Grinvud, 1:3 – 78 Reshford.“Vest Hem”: Fabianski, Soufal (Jonson, 85), Kressuell, Balbuena, Masuaku, Fornals (Benrahma, 75), Souchek, Bouen (Lansini, 76), Rays, Ogbonna, Aller.
“Manchester Yunayted”: Henderson, Uan-Bissaka, Telles, Maguayr, Lindelyof, van de Bek (Brunu Fernandesh, 46), Maktominey, Pogba, Kavani (Reshford, 46), Marsyal (Mata, 62), Grinvud.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)