Zidan “Real”ning “Shaxtyor D”ga qarshi o‘yin qaydnomasini e’lon qildi, unda Ramos yo‘q
Zinedin Zidan “Real”ning Chempionlar Ligasi 5-turidan o‘rin olgan Donetskning “Shaxtyor”iga qarshi bahs uchun qaydnomasini e’lon qildi.
Qaydnomadan 19 futbolchi o‘rin olgan. Donetsliklarga qarshi o‘yinda jarohati sabab himoyachilar — Daniel Karvaxal, Serxio Ramos, Alvaro Odriosola, yarim himoyachi Federiko Valverde ishtirok eta olmaydi. Karim Benzema esa jarohatidan qutulib safga qaytgan. Luka Yovich bo‘lsa hali koronavirusdan tuzalganicha yo‘q.
Qayd etish joiz, “Real” Chempionlar Ligasi 4-turidan so‘ng 7 ochko bilan guruhda 2-o‘rinda bormoqda. “Shaxtyor” esa 4 ochko bilan 3-o‘rindan joy olgan.
Eslatib o‘tamiz, “Real” ukrainaliklarga qarshi dastlabki bahsda o‘z maydonida 2:3 hisobida mag‘lub bo‘lgan. “Shaxtyor”—“Real” o‘yini 1-dekabr, seshanba kuni 22:55 da boshlanishi belgilangan.
“Real”ning qaydnomasi:
Darvozabonlar: Tibo Kurtua, Andrey Lunin, Diyego Altube;
Himoyachilar: Eder Militao, Rafael Varan, Nacho Fernandes, Marselo, Ferlan Mendi, Viktor Chust;
Yarim himoyachilar: Toni Kroos, Luka Modrich, Kazemiro, Martin Edegor, Isko, Serxi Arribas;
Hujumchilar: Karim Benzema, Marko Asensio, Lukas Vaskes, Vinisius Junior, Mariano Dias, Rodrigo Goes.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
