Perishichning vatanparvarligi, Pogbaning ijodkorligi va Neymarning izlanishlari. Futbol yulduzlarining eng noodatiy soch turmaklari (foto)

Futbol dunyoning birinchi raqamli sport turi hisoblangani sababli o‘yinchilar doimo diqqat markazida bo‘lib kelgan. Krishtianu Ronaldu, Devid Bekhem singari futbolchilar esa o‘yinlarga xuddi yaqin insonlari bilan uchrashuvga tayyorlangandek hozirlik ko‘rib chiqqan. Bunga ularning soch turmaklari yaqqol misol bo‘la oladi. Biroq futbolchilar orasida ushbu masalaga (soch turmagiga) umuman o‘zgacha yondashadigan va barcha stereotiplarni sindirib tashlaydiganlar ham talaygina. Quyida aynan futbolchilarning o‘ziga xos ko‘rinishga ega bo‘lgan va kulgili soch turmaklari haqida hikoya qilamiz.

Taribo Uest

Muxlislar Uestni Nigeriya terma jamoasi, “Inter” va “Milan” safidagi o‘yinlaridan ko‘ra ko‘proq soch turmagi orqali yaxshi eslab qolgan. U shunday soch turmagi tanlagan ediki, buni yevropaliklar tugul, afrikaliklar ham tushunishga qiynalardi. Uestni esa bu zarracha qiziqtirmagan. Aftidan, u aynan o‘z noodatiy soch turmagidan zavq olgan ko‘rinadi.

Neymar

PSJ va Braziliya yulduzi Neymar haqida ortiqcha gapirishga hojat yo‘q. U deyarli har bir o‘yinda sochlari rangini o‘zgartiradi. Va har safar ular noodatiy va yanada kulgili bo‘lib chiqadi. Ranglarning esa unga umuman ahamiyati yo‘q. Neymar sariqdan tortib to pushti ranggacha barchasini tajribadan o‘tkazib ko‘rgan. Shunga qaramay u hamon syurprizlar qilishda davom etmoqda.

Jibril Sisse

Asli kelib chiqishi afrikalik bo‘lgan Fransiya terma jamoasi sobiq hujumchisi Sissening fantaziyalari juda boy edi deyish qiyin. Boisi u bor-yo‘g‘i boshining o‘rtasiga katta chiziq tushirib qo‘yish bilan cheklangandi, xolos.

Pol Pogba

Tez-tez soch turmagini o‘zgartirishni kanda qilmaydiganlardan yana biri, shubhasiz, bu Pogba. Uning fantaziyalari cheksiz bo‘lib, har safar u o‘zini butunlay yangi qiyofada kashf etadi. Pogbaning soch turmaklari o‘ta rang-barang bo‘lib, ular aslo bir-birini takrorlamaydi.

Maruan Fellaini

Fellaining sochlarini futbolda topish juda mushkul. Tan olish lozim, aynan shu tufayli ham u yana-da mashhurlikka erishgan. Maruan ushbu sochlari bilan deyarli butun faoliyati davomida o‘ynadi, biroq u negadir 2018-yilda ular bilan xayrlashishga qaror qildi.

Ivan Perishich

O‘z mamlakati terma jamoasining haqiqiy muxlisi bo‘lgan Ivan Perishich bir safar sochlarini Xorvatiya bayrog‘i rangiga moslab bo‘yab olgandi. Tabiiyki, bu unga maydonda qo‘shimcha mas’uliyat va shijoat bag‘ishlagan.

Ronaldo

Ronalduning o‘sha mashhur soch turmagiga nazar tashlanar ekan noodatiy hech narsa yo‘qdek tuyuladi. Ammo “so‘yloq” aynan ushbu turmagini uzoq vaqt davomida o‘zgartirmagan.

Abel Xavyer

Uest kabi yorqin o‘yinlari bilan emas, balki soch turmagi bilan ko‘proq yodda qolgan o‘yinchilardan yana biri Xavyer edi. Uning turmagi murakkabligidan soddaroq naqshni eslatib yuborardi. Ammo u har bir uchrashuvdan keyin sartaroshga murojaat qilishiga to‘g‘ri kelgan, chunki bunday soch turmagini saqlab qolish oson ish emas.

Karlos Valderrama

Ha, bunday “kuchli” sochlarga faqat havas qilish mumkin. Ammo futbolchiga emas. Chunki yuqori haroratda bunday soch bilan yurishning o‘zi bo‘lmaydi. O‘yinlarni-ku umuman gapirmagan ma’qul. Ammo Karlos o‘ta bardoshli ko‘rinadi, boisi biror marta ham ular bilan xayrlashish haqida o‘ylab ko‘rmagan.

Vagner Lav

Vagrenning sochlari o‘ziga xos bo‘lib, ular uzun va Afrika millatlariga mos ravishda urilgan edi. Ammo uning nima sababdan ularni ko‘k rangga bo‘yagani ko‘pchilikni qiziqtiradi. Agar u bu orqali o‘ziga e’tiborni jalb etishni xohlagan bo‘lsa, aytish mumkinki, buni uddalagan.

David Luis

O‘z sochlariga sodiq bo‘lgan futbolchilardan yana biri David Luisdir. U uzoq yillardan beri ushbu turmakdan foydalanib keladi. Agar ro‘yxatdagi aksariyat futbolchilar sochlarini “qiynab” shu holga olib kelgan bo‘lsa, Luisda ular tabiiy.

Arturo Vidal

Vidal mana bir necha o‘n yildirki, o‘zining “xo‘roz” uslubidagi turmagini o‘zgartirishni istamaydi. Qator futbolchilarning jamoalarini almashtirganda, soch turmagani ham o‘zgartirgan holatlar kuzatilgan. Biroq bu gaplarning Vidalga umuman daxli yo‘q. U “Yuventus”, “Bavariya”, “Barselona” va hozirgi jamoasi “Inter”da ham ushbu turmakdan foydalanib kelmoqda.