Doimiy jismoniy faollik ham jismoniy, ham ruhiy salomatlikni saqlashga yordam beradi. Shu sababli 25-noyabr kuni Jahon sog‘liqni saqlash tashkiloti jismoniy faollik bo‘yicha o‘z tavsiyalarini yangiladi. Yangi tavsiyalar homilador ayollar va o‘ziga xos xususiyatlarga ega kishilarni ham o‘z ichiga olgan. Bu haqda Meduza xabar berdi.
Barcha uchun tavsiyalar
- Jismoniy faollik — bu nafaqat maqsadga yo‘naltirilgan mashg‘ulotlar, balki odatiy piyoda yurish, uydagi jismoniy ish va faol dam olish.
- Umuman hech narsa qilmagandan ko‘ra ozgina jismoniy faollik yaxshiroq.
- Ko‘p o‘tirmaslikka harakat qiling. Kichik jismoniy faollik bilan tanaffus qiling.
- Yuklamani bosqichma-bosqich oshirish kerak.
Bolalar va o‘smirlar (5-17 yosh), shu jumladan, imkoniyati cheklangan bolalar
Har kuni kamida 60 daqiqa, asosan, aerobika mashqlaridan iborat kichik jismoniy faollik. Yuqori intensivlikdagi aerobika yuklamasiga ega jismoniy faollik — haftada kamida uch marta.Kattalar, shu jumladan, imkoniyati cheklangan kattalar
Asosiysi:- Haftada 150-300 daqiqa kichik intensivlikdagi aerobika yuklamali jismoniy faollik.
- yoki haftada kamida 75-150 daqiqa yuqori intensivlikdagi aerobika yuklamali jismoniy faollik.
- Umumlashtirilganda zaruriy jismoniy faollik darajasini beradigan o‘rta va yuqori intensivlikdagi jismoniy faollikni birlashtirish. Yuqori intensivlikdagi bir daqiqalik jismoniy faollik past intensivlikdagi ikki daqiqalik jismoniy faollikka teng ekanligidan kelib chiqish mumkin.
- Ko‘proq shug‘ullanish.
- Haftasiga kamida ikki marta barcha mushaklar uchun o‘rta va yuqori intensivlikdagi kuch mashqlari.
65 yosh va undan kattalar, shuningdek, turli kasalliklari bor kishilar (onkologik kasalliklarni boshidan o‘tkazganlar, arterial qon bosimi bor kishilar, 2-turdagi qandli diabet bilan og‘riganlar, OITSga chalinganlar)
Agar qarshi ko‘rsatmalar bo‘lmasa, kattalar uchun umumiy tavsiyalar.Qo‘shimcha
Haftasiga kamida uch marta oddiy jismoniy faollik doirasida muvozanatni saqlash hamda o‘rta va yuqori intensivlikdagi kuch mashqlarini bajarish kerak.
Izoh (0)