Singapurda ikki hafta davomida COVID-19 bilan kasallanish bo‘yicha yangi holatlar aniqlanmadi

Singapurda 15 kundan buyon mahalliy aholi orasida koronavirus bilan kasallanish bo‘yicha yangi holatlar qayd etilmadi. Bu haqda “Interfaks” xabar berdi.

Bu pandemiya boshidan buyon singapurliklar orasida yangi kasallanish holatlari qayd etilmagan eng uzoq davr hisoblanadi. Shifokorlar 25-noyabr kuni Singapurga boshqa mamlakatlardan kelgan kishilarda kasallanish bo‘yicha yettita holatni aniqlagan. Bemorlarga uyda qolish haqida ogohlantirish berilgan.

Pandemiya boshidan buyon Singapurda 58 mingdan ortiq odam koronavirus bilan kasallangan, 28 kishi kasallik qurboniga aylangan. Ayni paytda 37 kishi kasalxonalarda davolanmoqda.

Avvalroq singapurlik olimlar koronavirusni bir necha daqiqada aniqlaydigan test apparatini taqdim etgandi.