AQShning Minnisota shtatida istiqomat qiluvchi Ketlin Morlok ismli ayol olmaxonga achigan nok berib, uning mast bo‘lib qolishiga sababchi bo‘ldi, deb yozadi Daily Mail.
Morlokning aniqlik kiritishicha, u muzlatkichdan bir nechta achib qolgan nokni topib olgan: ayol noklarning bir qismini Gamlet laqabli cho‘chqasiga berishga qaror qilgan, qolgani bilan esa olmaxonni mehmon qilgan.
Ayol noklar ko‘pchiy boshlaganidan bexabar bo‘lgan va natijada uni yegan olmaxon mast bo‘lib, muvozanatni yo‘qotib qo‘ygan.
Voqea tasvirlangan qiziqarli video ijtimoiy tarmoqlarda paydo bo‘ldi.
https://twitter.com/i124nk8/status/1330284167104491527
Morlokning ta’kidlashicha, olmaxonga hech narsa qilmagan, ertasi kuni “bosh og‘rig‘ini” qoldirish maqsadida pista va jo‘xori yeyish uchun ayolning yoniga yana kelgan.
Izoh (0)