Buyuk Britaniya bosh vaziri Boris Jonson koronavirusga chalingan fuqaro bilan muloqotda bo‘lgani sabab o‘zini yakkalash rejimiga o‘tdi. Bu haqda bosh vazir qarorgohi vakiliga tayanib, The Telegraph xabar berdi.
Jonson masofadan turib ishlashni, jumladan, koronavirus pandemiyasiga qarshi kurashni davom ettiradi.
Bosh vazirning o‘zi Twitter’dagi sahifasiga o‘zida COVID-19 belgilari kuzatilmayotgani, biroq tartib-qoidaga bo‘ysunib, o‘zini yakkalashini yozib qoldirgan.
The Telegraph’ning yozishicha, 12-noyabr kuni bosh vazir bir guruh parlament a’zolari bilan gaplashgan bo‘lib, keyinroq ularning birida koronavirus tasdiqlangan.
Eslatib o‘tamiz, Boris Jonsonning aprel oyida koronavirus bilan kasallanib, kasalxonaga yotqizilgandi. Ikki haftadan so‘ng u yana o‘z ishiga qaytgan.
Avvalroq tan soqchisida COVID-19 aniqlangani tufayli Germaniya prezidenti karantinga olingani to‘g‘risida xabar berilgandi.
Izoh (0)