Donald Tramp “Uyda yolg‘iz 2” filmida qanday paydo bo‘lib qolgani ma’lum bo‘ldi

Donald Tramp “Uyda yolg‘iz 2” filmining epizodida suratga tushish uchun ijodiy guruhga shart qo‘ygan. Bu haqda film rejissori Kris Kolambus Insider’ga ma’lum qildi.

“U bizni kartinada uni ham suratga olishimizga majbur qildi”, − ta’kidlaydi kinorejissor. Uning so‘zlariga ko‘ra, ijodiy guruh o‘sha paytda Trampga tegishli bo‘lgan Nyu-Yorkdagi Plaza mehmonxonasida filmning ayrim sahnalarini suratga olishga kelishgan. Albatta, bu uchun ular pul to‘lagan, ammo Tramp epizod rolda ishtirok etsagina, suratga olishga ruxsat berishini aytgan.

Kartinani montaj qilish jarayonida Kolambus Tramp ishtirok etgan sahnani qoldirishga qaror qilgan, chunki buni jamoatchilikka yoqadi, deb hisoblagan.

“Uyda yolg‘iz 2” filmidan tashqari, Tramp 1990-yillarda “Sheriklar”, “Kichkintoy yaramaslar”, “Namunali erkak” va “Eddi” kabi film, shuningdek, “Beverli-Xillz shahzodasi”, “Enaga” kabi seriallarda epizod rollarni ijro etgan.

Mavzuga doir: Tramp, kartoshka yoki multqahramon? Ispaniyada yana bir san’at asari restavratsiya jarayonida buzildi — bu safar qadimiy haykal