Chexiyaning Yesenik shahrida istiqomat qiluvchi erkak o‘rmonga qo‘ziqorin tergani borib, u yerdan qadimiy qilichga duch keldi, deb yozadi Euro Weekly News.
Roman Novak yomg‘irdan so‘ng, uy yaqinidagi o‘rmonga qo‘ziqorin terish uchun chiqqan va yerda yotgan noodatiy buyumga duch kelgan. Erkak uni oyog‘i bilan tepgan va bu qadimiy qilichning bir qismi ekanligini tushungan. Uning yaqinidan bronzadan ishlangan bolta ham topilgan
Novak ikkala topilmani ham arxeologlarga olib borgan. Mutaxassislar, ushbu artefaktlar eramizdan oldingi XIV asrga tegishli ekanligini va Germaniyadan topilgan bronza davriga oid qurollarga o‘xshashini ma’lum qilgan. Bronza qilichlar metallni eritish va uni qolipga quyish orqali yasalgan.
Rentgen metalldagi mayda pufaklarni ko‘rsatgan. Bu erkak tomonidan topilgan quroldan urushlarda foydalanilmagani va faqat ramziy ma’noga ega bo‘lganidan dalolat beradi.
Yesenik etnografik muzeyidan bo‘lgan Milan Rixlining ta’kidlashicha, mutaxassislar boshqa artefaktlarni ham topish ilinjida o‘rmonni tadqiq etish niyatida.
Mavzuga doir: Xitoyda 3000 yil avval yasalgan qilich topildi
Izoh (0)