7-noyabr kuni nihoyat AQSh prezidenti saylovlari g‘olibi aniq bo‘ldi. Uch kecha-kunduz davomida ovozlarni hisoblash kechikayotgani va raqiblar o‘rtasidagi farq kichik bo‘lgani uchun Amerikaning navbatdagi yetakchisi kim bo‘lishini oldindan aytish qiyin bo‘layotgan edi, deb yozadi Meduza. 7-noyabr kuni Amerikaning eng yirik OAVlari demokrat Jo Bayden Pensilvaniyada g‘olib bo‘layotganini e’lon qildi, demak u saylovlarda ham g‘olib bo‘ladi. Baydenning tarafdorlari bu yangilikni shodiyonalar bilan kutib oldi. Amaldagi AQSh prezidenti hozircha mag‘lubiyatini tan olgani yo‘q, ammo Baydenning g‘alabasidan quvonayotgan amerikaliklar Oq uy yoniga Donald Tramp qiyofasidagi shishirilgan qo‘g‘irchoq va “Loser” (“mag‘lub”, “omadsiz”) yozuvi tushirilgan sharlarni olib keldi.
Izoh (0)