Xorazm viloyatida ajoyib odat bor: uyga mehmon kelsa, besh daqiqadan so‘ng qaynoqqina go‘mma dasturxonga tortiladi. Ushbu yegulikni qancha ko‘p iste’mol qilsangiz ham yana ko‘ngil tusayveradi.
Kerakli mahsulotlar:
- Qo‘y go‘shti qiymasi − 500 gramm;
- O‘simlik yog‘i − 50+15 gramm;
- Un − 1 kilogramm;
- Piyoz − 200 gramm;
- Pomidor − 20 gramm;
- Tuxum − 1 dona;
- Suv − 250 ml;
- Sut − 250 ml;
- Ko‘kat, tuz va ziravorlar.
Mahsulotlar ajratib olinadi.
Sut, sut, tuz va o‘simlik solib aralashtiriladi. Alohida idishda un va tuxum solinadi.
Ular yaxshilab aralashtirilib, xamir qoriladi. Xamir tinishi uchun 30 daqiqaga xona haroratida qoldiriladi.
Bu paytda piyoz mayda to‘g‘raladi.
Qiyma go‘shti qizigan yog‘da qovuriladi.
Ustidan piyoz va ziravorlar solinadi.
Qovurilgan qiyma alohida idishga olingandan so‘ng ko‘kat va pomidor bilan aralashtiriladi.
Xamir yupqa qilib yoyiladi va piyola kattaligida aylana shakllarga bo‘lib chiqiladi.
Ichiga qiymali “nachinka” qo‘yiladi.
Xamir ikkiga bukilib, chetlari yaxshilab yopishtiriladi.
Qizib turgan yog‘da qizargunguncha qovurib olinadi.
Xorazmcha go‘mma barchaga manzur kelishi tabiiy. Yoqimli ishtaha!
Izoh (0)