Pandemiya davrida himoyalanish uchun foydalaniladigan oddiy tibbiy niqoblar Denver universitetidagi Vicki Myhren galareyasida yangi ko‘rgazmaga sabab bo‘ldi. Ko‘rgazmada aqlbovar qilmaydigan badiiy niqoblar to‘plami namoyish etildi, deb yozadi Interior+Design.
Albatta, dizayn tarafidan e’tibor qaratilgan ushbu niqoblar tibbiy jihatdan foydali emas. Ayrim dizaynerlar niqoblarni barg yoki marjon donalaridan tayyorlagan bo‘lsa, ba’zi niqoblar qayta ishlangan chiqindilardan tashkil topgan.
Manekenlarda 40 dan ortiq dizaynerlarning niqoblari taqdim etildi. Ularni oldindan qayd qildirish orqali 2020-yil 1-dekabrgacha ko‘rish mumkin.
“Dizaynerlar taqdim qilganidek, niqoblanish tashqi ko‘rinishning bir uslubi hisoblanib, u ijod qilish uchun yangi g‘oyaga imkoniyat tug‘diradi. O‘z navbatida san’at ixlosmandlari sharoitga yondashgan holda o‘z uslublaridan qanday foydalanishni namoyish etadi”, − deyiladi taqdimotda.
Mavzuga doir:
Izoh (0)