O‘zbekiston xalq artisti Yodgor Sa’diyev O‘zbek milliy akademik drama teatri direktori etib tayinlandi. Bu haqda Madaniyat vazirligi matbuot xizmati xabar berdi.
“Ayni vaqtda teatr jamoasi bilan yig‘ilish o‘tkazilmoqda. Unda ishtirok etayotgan O‘zbekiston Respublikasi Madaniyat vaziri – O‘zbekiston xalq artisti Ozodbek Nazarbekov Yodgor Sa’diyevni O‘zbek Milliy akademik drama teatri direktori lavozimiga tayinlanganini e’lon qildi”, — deyiladi vazirlik xabarida.
Ma’lumotlarga ko‘ra, O‘zbek milliy akademik drama teatri direktori Fathulla Ma’sudovning vafotidan so‘ng direktor vazifasini vaqtincha aktyor Asatilla Nabiyev bajarayotgan edi.
Ma’lumot uchun, O‘zbek milliy akademik drama teatri repertuaridagi spektakllar namoyishi 31-oktabrdan boshlanadi.
Eslatib o‘tamiz, Yodgor Sa’diyev 1946-yilda Toshkent shahrida tavallud topgan. Toshkent davlat teatr va rassomchilik institutini tamomlagan. Faoliyatini O‘zbek milliy akademik drama teatrida boshlagan. U “Qaroqchilar”, “Uylanish”, “Boy ila xizmatchi”, “Yulduzli tunlar”, “Alisher Navoiy”, “Kelinlar qo‘zg‘oloni” kabi 60dan ortiq spektakllarda rollar ijro etgan. Shu bilan birga, Tohir Malikning “Shaytanat” asari asosida suratga olingan serialdagi ijrosi ham tomoshabinlar mehrini qozongan.Aktyor 1998-yilda O‘zbekiston xalq artisti unvoniga bilan taqdirlangan.
Mavzuga doir:
- Yodgor Sa’diyev “Shaytanat”ning 20 yil davomida televideniyeda nima uchun namoyish etilmaganini ma’lum qildi
- Tohir Malik “Shaytanat” asarini film qilish huquqini faqat Yodgor Sa’diyevga berganmi? Aktyorning o‘zi bunga oydinlik kiritdi (video)
- “Shifokorlar bir asrab qolishgan”. Yodgor Sa’diyev yurak bilan bog‘liq kasallik bilan kurashib kelayotganini ma’lum qildi (video)
Izoh (0)