Kuyov tanimas darajadagi makiyaj: Osiyolik kelinlar to‘yi kuni qanday bo‘yanadi?

Ba’zi mamlakatlarda kelinlar obrazi avvaldan tanlanib, oldindan makiyaj ham qilib ko‘riladi. Osiyolik kelinlarda esa hammasi boshqacharoq. Gap shundaki, yorqin makiyaj ayrim xalqlar uchun milliy urf-odatlarning atributi, ya’ni ajralmas qismi hisoblanadi.

Masalan, Indoneziya va Tailandda kelinlar qimmatbaho va gulli naqshlar tushirilgan matolardan tikilgan libos kiyadi, bosh aksessuari sifatida esa fata o‘rniga milliy toj yoki ro‘moldan foydalanadi. Vizajist esa makiyajni diqqat bilan, o‘ziga xos tarzda amalga oshiradi.

Manikyur ham odatdagidan farq qiladi. Urf-odatga ko‘ra, to‘ydan uch kun avval kelin va kuyov qo‘liga xina surtiladi. To‘y kuni esa kelinning tirnoqlariga har doimgidan boshqacharoq urg‘u beriladi.