Peru janubidagi Naska platosi hududida amalga oshirilgan qazilma ishlari vaqtida arxeologlar ulkan mushuk tasviriga duch keldi. Uzunligi 37 metr keladigan geoglifning yoshi ikki mingdan oshadi, deb xabar beradi BBC.
Suratlarga ko‘ra, mushuk tasviri tog‘ning chap yon tomoniga tushirilgan.
Ushbu tasvir kuzatish maydonchasini restavratsiya qilish vaqtida topilgan va u tabiiy yemirilish sabab yo‘qolib ketish xavfi ostida bo‘lgan.
Stilistik jihatlariga ko‘ra, surat so‘nggi Parakas davriga oid bo‘lib, o‘sha davrda mahalliy hududlarda mushuklar tasviridan foydalanish ommalashgan.
U Naska platosidagi eng qadimiy tasvirlardan biriga aylandi.
Ma’lumot uchun, Naska geogliflari YuNESKOning Xalqaro meroslari ro‘yxatida kiritilgan. O‘nlab kilometrga cho‘zilgan platoda odamlar, hayvonlar, o‘simliklar va turli geometrik shakllarning ulkan tasvirlarni ko‘rish mumkin.
Izoh (0)