Farg‘ona viloyati Uchko‘prik tumanida Matiz va traktor ishtirokida yuz bergan yo‘l-transport hodisasi oqibatida mashinada bo‘lgan 17 yoshli yo‘lovchi jarohat olib, kasalxonaga yotqizildi. Bu haqda Farg‘ona viloyati IIB YHXB axborot xizmati xabar berdi.
Ma’lum qilinishicha, YTH 13-oktabr kuni soat 17:15 da Uchko‘prik tumani Mehnatobod qishlog‘i hududidan o‘tgan A-373 Toshkent—O‘sh avtomobil yo‘lining 336-kilometrida sodir bo‘lgan.
1999-yilda tug‘ilgan haydovchi Andijon shahrida joylashgan “AvtoTrans” MChJga tegishli Matiz avtomobilini boshqarib ketayotib, oraliq masofasini saqlamagani sababli bir yo‘nalishda harakatlanib ketayotgan, Buvayda tumanida yashovchi B.O. boshqaruvida bo‘lgan traktor tirkamasining orqa qismiga urilgan. Natijada Matiz avtomobili yo‘lovchisi, Andijon shahrida yashovchi, 2003-yilda tug‘ilgan M.A. tan jarohati olib, Buvayda tumani shifoxonasiga davolanish uchun yotqizilgan.
Mavzuga doir:
- Farg‘onada Nexia traktor tirkamasiga urilishi oqibatida 1 kishi halok bo‘ldi, 3 kishi shifoxonaga yotqizildi
- Ohangaronda Hyundai’ning traktor tirkamasiga urilishi oqibatida bir ayol va uning besh oylik farzandi halok bo‘ldi
- Farg‘onada Labo’ni hujjatlarsiz boshqargan maktab o‘quvchisi traktor tirkamasiga urildi
Izoh (0)