Korrupsiyaga qarshi kurashish agentligi direktori Akmal Burhonov fuqarolarning korrupsion holatlar yuzasidan murojaatlarini tartibga solish uchun maxsus platforma ishga tushirilishini ma’lum qildi. Mazkur loyiha yaratilishiga fuqarolar qonun buzilishi yoki sudda yutqizishni ham korrupsion holat sifatida baholayotganligi, bugungi kunda murojaatlar ko‘pligi sabab bo‘lgani aytildi.
“E-Anticor.uz” loyihasi Uzinfocom bilan hamkorlikda davlat hokimiyati va boshqaruvi organlarining korrupsiyaga qarshi kurashish sohasidagi faoliyati, ushbu sohadagi davlat va boshqa dasturlar samaradorligini monitoring qilish hamda baholash imkonini beruvchi “E-Anticor.uz” elektron platformasini tayyorlandi. Bu platforma orqali davlat idoralarining korrupsiyaga qarshi kurashish bo‘yicha faoliyati ochiq monitoring qilib boriladi. Shuningdek, fuqarolarimiz korrupsion holatlar bo‘yicha bizga tezkor murojaat qilish imkoniyatiga ega bo‘ladi. Bir hafta, 10 kun ichida ishga tushirilishi rejalashtirilayotgan sayt va mobil dastur orqali ana shu imkoniyat taqdim etiladi. Inson omili bo‘lmaydi, murojaatini internet orqali ko‘rib turadi. O‘zbekistonda korrupsiya xaritasi shakllantiriladi. Fuqarolarning murojaati asosida qaysi viloyatda korrupsion holatlar ko‘proq yoki kamroq bo‘lsa, qizarib yoki yashil bo‘lib boraveradi. Murojaatlarni ko‘rib chiqib holati ham bizda bo‘ladi. Buning ustida yana ishlaymiz.Akmal Burhonov, Korrupsiyaga qarshi kurashish agentligi direktori
Eslatib o‘tamiz, avvalroq Bosh prokuratura tomonidan “Korrupsiyaga oid huquqbuzarlik haqida xabar bergan yoki korrupsiyaga qarshi kurashishda boshqa tarzda ko‘maklashgan shaxslarni rag‘batlantirish tartibi to‘g‘risidagi nizomni tasdiqlash haqida”gi hukumat qaror loyihasi jamoatchilik muhokamasiga qo‘yilgan edi.
Izoh (0)