1-may kuni yuz bergan Sardoba suv ombori to‘g‘oni o‘pirilishi va buning oqibatida katta hajmdagi yer maydonlarini suv bosishi bo‘yicha qo‘zg‘atilgan jinoyat ishi doirasida daxldor javobgar shaxslar soni 17 nafarga yetdi. Bu haqda Korrupsiyaga qarshi kurashish agentligi direktori Akmal Burhonov agentlikda tashkil etilgan matbuot anjumanida ma’lum qilgan.
Mavzuga doir: Meteorolog: Sardobada falokat yuz bergan vaqtda kuchli yomg‘ir ham, kuchli shamol ham bo‘lmagan
Sardoba voqeasi unutilgani yo‘q. Bizning ham doimiy nazoratimizda. Bunday katta, jamoatchilik e’tiboridagi masalalar agentligimizning ham nazoratida. Biz tegishli idoralar bilan faol hamkorlikda ushbu jarayonni nazorat qilib bormoqdamiz. Xabaringiz bor, o‘tgan yili e’lon qilingandi, undan keyin yana o‘zgarishlar bo‘lgan. Oldin, adashmasam, 9 nafar shaxsga jinoyat ishi qo‘zg‘atilgan edi, bugungi kunda qonunbuzilishi holatiga daxldor shaxslar soni 17 nafar shaxs jinoiy javobgarlikka tortilgan. Jumladan:Eslatib o‘tamiz, avvalroq Bosh prokuratura “Sardoba ishi” doirasida to‘qqiz kishi qamoqqa olinganini ma’lum qilgan edi. Sardoba suv ombori 2010—2017-yillarda qurilgan bo‘lib, loyihaga buyurtmachi sifatida “Sirdaryo suv qurilish invest” DUK (Suv xo‘jaligi vazirligi), bosh loyihachi — “UzGIP” MChJ, bosh pudratchi — “O‘ztemiryo‘lqurilishmontaj” UK (“O‘zbekiston temir yo‘llari” AJ) tanlangan.pudratchi tashkilotlar — “Rezaksoy suv qurilish” UK, “Omad Dubl” MChJ, “Sariosiyo qurilish” MChJ, “Trans Servis Kompleks” MChJ, “To‘palang Sherobod” ShK, Suv xo‘jaligi vazirligi, Ekspluatatsiya direksiyasi mansabdor shaxslarining bir guruhi tegishli (167, 203, 205, 207, 209, 258) moddalar bilan jinoiy javobgarlikka tortilib, ayblanuvchilarning 7 nafariga qamoqqa olish, 6 nafariga garov, 4 nafariga munosib xulq-atvorda bo‘lish haqida tilxat ehtiyot chorasi qo‘llanilgan.
- buyurtmachi — “Sirdaryo suv qurilish invest” DUK;
- loyihachi — “UzGip” MChJ;
- bosh pudratchi – “O‘ztemiryo‘lqurilishmontaj” UK;
17 nafar shaxslarga nisbatan ayblov xulosasi bilan Bosh prokuraturaga yuborilgan, lekin tergov harakatlari va taftish davomida yangi aniqlangan holatlarga nisbatan to‘plangan materiallar ajratilib ushbu materiallar asosida Jinoyat kodeksining 167 va 258-moddalari bo‘yicha ham ish qo‘zg‘atilgan. 17 nafar shaxsdan tashqari yana 2 ta jinoyat ishi qo‘zg‘atilgan.
Jinoyat ishi doirasida Hisob palatasi rahbarligida mutasaddi idoralarning malakali mutaxassislaridan iborat komissiya tomonidan o‘lchov va taftish ishlari davom ettirilmoqda. Aybdor shaxslarni aniqlash bilan birga yetkazilgan zararning qoplanishini ta’minlashga qaratilgan chora-tadbirlar amalga oshirilmoqda.
Akmal Burhonov, Korrupsiyaga qarshi kurashish agentligi direktori
Qayd etishlaricha, suv ombori qurilishiga davlat budjetidan 1,2 trillion so‘m sarflangan. Suv omboridan foydalanish “O‘zbekiston temir yo‘llari” kompaniyasiga qarashli “Sardoba suv ombori obyektlaridan foydalanish va rivojlantirish direksiyasi” tomonidan amalga oshirilgan.
Izoh (0)