“Dadasining qizlari” serialining so‘nggi qismi 2013-yilda taqdim qilinganiga qaramay, tomoshabinlarning qiziqishi hali hamon so‘nmagan. Undagi aktrisalar allaqachon ulg‘aygan bo‘lsa ham muxlislar xotirasida dadasiga erkalik qiladigan, o‘ziga yarasha fe’l-atvorga ega qizlar sifatida qoladi.
Miroslava Karpovich
Opa singillarning eng kattasi Masha rolini ijro qilgan vaqtida Miroslava 21 yoshda bo‘lgan. U quvnoq, hamma bilan chiqishib ketadigan, o‘ziga xos kiyish uslubiga ega qiz rolini o‘ynagan.
6 yil davom etgan suratga olish jarayonida Masha sochining rangi bir necha marta o‘zgargan, ammo u muxlislar yodida tabassumi o‘ziga yarashgan qahramon sifatida qolgan.
Miroslavaning hozirgi suratlariga qarab uni tanish qiyin, chunki u go‘zallik muolajalariga mukkasidan ketgan: yuz shaklini o‘zgartirgan va lablarini kattalashtirgan. Ayni vaqtda 34 yoshda bo‘lgan aktrisa Pavel Priluchniy bilan uchrashadi.
Yelizaveta Arzamasova
Serialda Galina Sergeyevna rolini ijro qilgan vaqtda Yelizaveta 12 yoshda bo‘lgan. Uning qahramoni fikrlashi yoshiga nisbatan kattalardek bo‘lgan, o‘qimishli, sochini o‘rib yuradigan qiz bo‘lgan.
2013-yilda suratga olish jarayonlari yakunlangan va aktrisaning ko‘rinishi va soch turmagi ham o‘zgargan.
O‘tgan yillar davomida makiyaj va kiyinish borasida o‘zligini topgan 25 yashar Yelizaveta ayni vaqtda 46 yoshli sportchi Ilya Averbux bilan munosabatda ekani ma’lum bo‘lgan.
Yekaterina Starshova
4 yasharligida karyerasini boshlagan Yekaterina serialning suratga olish jarayonida 5 yosh bo‘lgan.
Oilaning erkatoyi, gaplari burro-burro bo‘lgan Pugovka tomoshabinlar qalbidan joy olgan.
Ayni vaqtda 18 yoshda bo‘lgan Yelizaveta aktyorlik faoliyatini davom ettirmaslikka qaror qilgan.
Darya Melnikova
Serialda Darya shaddod qiz Jenya rolini gavdalantirgan. Jenya, asosan, sport uslubida kiyinishni yoqtiradigan, kalta sochli qiz sifatida muxlislar xotirasida qolgan.
Serialning suratga olish jarayonlari yakunlanishi arafasida Jenyaning uslubi biroz o‘zgargan va so‘nggi qismlarda sochlari uzun va biroz makiyaj qilgan holda namoyon bo‘lgan.
Aslida Daryaning serialdagi obrazi unga yaqin hisoblanadi. U keng va qulay kiyinishni, ortiqcha makiyaj qilmaslikni afzal biladi. Ayni vaqtda 28 yoshda bo‘lgan aktrisa teatrda ham rol ijro etadi va allaqachon ona bo‘lishga ulgurgan.
Anastasiya Sivayeva
Aktrisa serialda doim qora kiyinib yuradigan, shunga yarasha makiyaj qiladigan Dasha rolini ijro qilgan.
So‘nggi qismlarda uning uslubi ham biroz o‘zgargan: sochi tabiiy to‘q qahva rangli, liboslar ham yorqin kiyimlardan iborat bo‘lgan. Ayni vaqtda 28 yoshda bo‘lgan aktrisani onda-sonda teleekranda ko‘rib turish mumkin.
U shaxsiy hayotini doston qilishni istamaydi. Hayotdagi obrazi Dashanikidan farq qiladi: u makiyaj va soch borasida tabiiylikni xush ko‘radi.
Izoh (0)