Har qanday ayol moda bilan hamohang tarzda yashamasa ham uning garderobidan charm matosidan tikilgan yubka, shim yoki boshqa bir libos topiladi. Ko‘pincha ikki mavsum mobaynida kiyish mumkin bo‘lgan charm liboslarni urfga kirishini kutib o‘tish shart emas. Shunchaki u bilan mos keluvchi qo‘shimcha kiyimlar va detallar orqali ularni mavsumbop qilish har kimning didiga bog‘liq.
Shuningdek, charmdan ishlangan liboslarni hamma ham boshqa matodagi liboslar bilan kelishtira olmaydi. Lekin tajriba qilishdan qo‘rqmaslik lozim. Matoning rangi va qalinligi bir-biriga mos kelsa, tanlangan uslub ham o‘z-o‘zidan ommalashishga sabab bo‘ladi.
Charm libosning keng bichilgan o‘lchamdagilari yana modaga qaytmoqda. O‘tgan asrning 80-90-yillari keng o‘lchamdagi charm plashlar kiyish urfda bo‘lgan.
Juda salqin bo‘lmagan havoda qulaylikni istaganlar uchun ushbu uslub ayni muddao.
Xonimlar orasida keng bichimda tikilgan kostyumlar ancha ommalashdi, shuningdek, uning charm matodagisi ham o‘zgacha ko‘rinish hosil qiladi.
Charm matodan tikilgan shimlar ham kuz mavsumi uchun ajoyib tanlov.
Odatda charm libos sumka va poyabzalga monand tanlanadi.
Charm libosning boshqa kiyimlardan ajralib turishi ham o‘zgacha uslubni kashf etadi.
Mukammal qomat egalari qo‘rqmasdan charmdan tikilgan plashlarni kiyishi mumkin.
Izoh (0)