Koronavirusga qarshi kurash shtabi a’zosi Nargiza Nurillayeva chaqaloqlarga va homiladorlik davridagi ayollarga grippga qarshi vaksina qilish masalasiga aniqlik kiritib o‘tdi.
“6 oylikdan kichik bolalarga grippga qarshi vaksina qo‘llanilmaydi. Ammo ushbu yoshdagi bolalarda boshqa yoshdagi bolalarga nisbatan gripp asoratlari xavfi yuqori hisoblanadi. Bu yoshdagi bolalarni himoyalashning eng samarali usuli bu bolaning oila a’zolarini kasallikka qarshi emlash hisoblanadi”,— deydi mutaxassis.
Shuningdek, Nurillayeva homiladorlik davrida homila rivojlanishidagi o‘zgarishlar grippga qarshi emlash bilan bog‘liq emasligi, aksincha bu gripp kasalligi bilan bog‘liq bo‘lishini ta’kidladi. Faollashtirilmagan vaksinalar bilan grippga qarshi emlash homiladorlikni rejalashtirish jarayonida, bundan tashqari homiladorlikning ma’lum muddatlarida amalga oshirilishi mumkinligi aytildi. Ushbu muddatni shifokor akusher-ginekolog belgilaydi.
Eslatib o‘tamiz, avvalroq koronavirusga chalingan ahvoli og‘ir yoki o‘ta og‘ir homiladorlar muddatiga qaramay tug‘dirilishi kerakligi, homiladorlarning isitmasi ko‘tarilsa, u COVID-19 bilan kasallangan yoki kasallanmaganidan qat’i nazar statsionarga yuborilishi shartligi, O‘zbekistonda tug‘ruqxonaga kelayotgan homilador ayollardan test topshirib kelish talab etilmasligi, koronavirusga chalingan homilador ayollar uchun qanday sharoitlar yaratilgani, Koronavirusga qarshi kurashish shtabi a’zosi, professor Habibullo Oqilov emizikli onalar koronavirusga chalingan bo‘lsa, farzandini qanday emizishi borasida aniqlik kiritib o‘tgani haqidagi xabarlar ham berilgan edi.
Mavzuga doir:
- Homilador ayollar koronavirusdan qanday saqlanishi kerak?
- O‘zbekistonda koronavirus aniqlangan yangi tug‘ilgan chaqaloqlarda kasallik barcha holatda yengil o‘tgani ma’lum qilindi
- “O‘zbekiston hech qachon bu yo‘lni tanlamaydi” — ommaviy immunitet haqida Koronavirusga qarshi kurash shtabi a’zosi izoh berdi
Izoh (0)