“Liverpul” “Vulverhempton”dan hujumkor yarim himoyachi Diogu Jotani sotib oldi. Bu haqda Mersisayd klubi rasmiy saytida xabar berildi.
Klub xabariga ko‘ra, Jota bilan uzoq muddatli shartnoma imzolangan. Shartnoma tafsilotlari ochiqlanmagan.
Ammo ingliz nashrlari Jotaning “Liverpul” bilan 2025-yil 30-iyuniga qadar bitim tuzganligini ma’lum qildi. Shuningdek, “Liverpul” Jota uchun “bo‘rilar” g‘aznasiga 43 million yevroni o‘tkazib beradi.
23 yoshli Jota katta futboldagi faoliyatini “Pasush de Ferreyra” klubida boshlagan. 2016-yilda Madridning “Atletiko”si Jota bilan besh yillik shartnoma tuzgan va shu zahoti uni “Portu”ga ijaraga bergan. Bir yillik ijaradan so‘ng 2017-yilda “Vulverhempton”ga o‘tgan. Yana ijara asosida. 2018-yil yozida esa “bo‘rilar” Jotaning transfer huquqini “Atletiko”dan 12,5 million funtga sotib olgandi. Jota “Vulverhempton” safida jami 67 ta o‘yinda qatnashib, 16 ta gol urgan.
Mavzuga doir: “Liverpul” Tiago Alkantara transferini e’lon qildi
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)