O‘zbekiston Markaziy bankining asosiy stavkani 15 foizdan 14 foizga tushirish haqidagi qarori yuzasidan tashkil etilgan matbuot anjumanida o‘tgan 8 oy davomida mamlakatga amalga oshirilgan transchegaraviy pul o‘tkazmalari to‘g‘risida ma’lumot berildi.
Ma’lumotlarga ko‘ra, 2020-yilning 8 oyi davomida O‘zbekistonga transchegaraviy pul o‘tkazmalari hajmi 3,7 milliard dollarni tashkil etgan. Bu 2019-yilning mos davriga nisbatan 209 million dollarga yoki 5,4 foizga kam.
Pul o‘tkazmalari, ayniqsa, mart—aprel oylarida sezilarli kamaygan, may oyida aprelga nisbatan ikki barobarga oshgan.
Shu bilan birga, pul o‘tkazmalari iyun va avgust oylarida o‘tgan yilgi ko‘rsatkichdan oshgani qayd etilgan.
Avvalroq O‘zbekistonda naqd pul tushumlarining hajmi koronavirus epidemiyasidan avvalgi darajasini tiklayotgani, avgust o‘rtalarida O‘zbekistonga xorijdan yuboriladigan pul jo‘natmalari hajmi kamaygani to‘g‘risida xabar berilgandi.
Mavzuga doir: O‘zbekiston hukumati inqirozdan keyingi davrda iqtisodiyotni ikki bosqichda tiklash dasturini tasdiqladi
Izoh (0)