Shavkat Mirziyoyevning “2020-yilda rasmiy sanalarni nishonlash davrida qo‘shimcha ishlanmaydigan kunlarni belgilash va dam olish kunlarini ko‘chirish to‘g‘risida”gi farmoniga asosan Mustaqillik bayrami kunlari aholining dam olishi uchun qo‘shimcha qulaylik yaratish maqsadida 2020-yilning 29-avgust — shanba dam olish kuni 31-avgust — dushanba kuniga ko‘chirildi.
Shu munosabat bilan “Toshshahartransxizmat”AJ bayram kunlaridagi avtobus qatnovlarini bir qator o‘zgarishlardan kelib chiqib yo‘lga qo‘ymoqda.
Kompaniyaning ma’lum qilishicha, 29-avgust kuni avtobuslar harakat jadvali ish kuni hisobida shakllantiriladi. Qayd etilishicha, 30, 31-avgust va 1-sentabr kunlari avtobuslar dam olish kuni hisobida harakatlanadi.
Kompaniya yo‘lovchilardan mazkur kunlarda jamoat transportidan foydalanganda yuqoridagi o‘zgarishlarni inobatga olishlarini so‘ragan.
Avvalroq “Toshshahartransxizmat” 2 ta avtobus yo‘nalishi harakatiga vaqtinchalik o‘zgartirish kiritgani haqida xabar qilingandi.
Mavzuga doir:
- Toshkent shahrida jamoat transportining bir kunda ishga tushirilgani ijtimoiy masofa bilan bog‘liq bo‘lgani aytildi
- Toshkent shahrida yaqin 3 oy ichida jamoat transporti yo‘nalish tarmog‘i optimallashtiriladi
- Toshkentda 22 ta avtobus yo‘nalishi harakatiga o‘zgartirish kiritildi va 3 ta yo‘nalish yopildi
Izoh (0)