Toshkent viloyati Bo‘ka tumanida ikki hamqishloq mol boqish uchun yaylov talashib janjallashgan va erkaklardan biri ikkinchisiga o‘roq bilan jarohat yetkazgan. Bu haqda Tergov departamenti xabar berdi.
Ma’lum qilinishicha, 2020-yilning 6-avgust kuni soat taxminan 18:30 da Bo‘ka tumani “Kamolot” fermer xo‘jaligi dala maydonida 31 yoshli Z.E. qo‘shnisi, 33 yoshli D.Y. bilan qoramollarini boqish uchun yaylov talashgan. Natijada kelib chiqqan o‘zaro janjal oqibatida Z.E. qo‘lida bo‘lgan o‘tkir o‘roqning tig‘ qismi bilan D.Y.ning chap tomon qorin bo‘shlig‘iga bir marta sanchib, tan jarohati yetkazgan.
Natijada D.Y. tan jarohatlari bilan tibbiy muassasaga yotqizilgan. Hodisa joyi tezkor tergov guruhi tomonidan ko‘zdan kechirilib, jinoyat quroli sifatida foydalanilgan o‘roq ashyoviy dalil tariqasida rasmiylashtirib olingan.
Mazkur holat yuzasidan Bo‘ka tumani IIB huzuridagi Tergov bo‘limi tomonidan Jinoyat kodeksining 104-moddasi 1-qismi (qasddan badanga og‘ir shikast yetkazish) bilan jinoyat ishi qo‘zg‘atilgan.
Z.E. jinoyat ishida ayblanuvchi tariqasida jalb etilib, unga nisbatan qamoqqa olish tarzidagi ehtiyot chorasi qo‘llanilgan. Hozirda jinoyat ishi bo‘yicha tergov harakatlari olib borilmoqda.
Mavzuga doir:
- Andijonda suv talashish oqibatida ikki kishi voqea joyida halok bo‘ldi, bir nafari shifoxonaga yotqizildi
- Samarqandda 34 yoshli erkak singlisiga SMS yozgan yigitni urib o‘ldirib qo‘ydi
- Namanganda sevgan qizi boshqaga unashtirilganidan so‘ng 5 marotaba pichoq urib o‘ldirgan yigit 11 yilga ozodlikdan mahrum etildi
Izoh (0)