Qoraqalpog‘iston Respublikasi Qorao‘zak tumani Ichki ishlar bo‘limi boshlig‘i xizmat mashinasida 1997-yilda tug‘ilgan yigitni urib ketdi, deya xabar bermoqda Respublika prokuraturasi.
Qayd etilishicha, 2020-yil 22-iyul kuni soat 21:40 larda Qorao‘zak tumani Ichki ishlar bo‘limi boshlig‘i R.M. o‘ziga biriktirilgan Nexia-3 rusumli xizmat avtomashinasini Qorao‘zak tumani “Berdaq” OFY hududidan o‘tuvchi Nukus—Chimboy—Taxtako‘pir yo‘lida boshqarib ketayotib yo‘lning chetida velosipedda harakatlanib borayotgan Qorao‘zak tumani “S.Kamalov” OFYda yashovchi 1997-yil tug‘ilgan fuqaro N.A.ni urib yuborgan.
Oqibatda fuqaro N.A. olgan tan jarohatlari natijasida o‘ziga kelmasdan vafot etgan.
Mazkur holat yuzasidan Jinoyat kodeksining 266-moddasi 2-qismi (Odamlar o‘limiga sabab bo‘lgan transport vositalari harakati yoki ulardan foydalanish xavfsizligi qoidalarini buzish) bilan jinoyat ishi qo‘zg‘atildi.
Hozirda mazkur ish yuzasidan tergov harakatlari olib borilmoqda.
Mavzuga doir:
- Toshkentda Lacetti katta tezlikda daraxtga urilishi oqibatida yonib ketdi. Haydovchi jarohat olib shifoxonaga tushgan
- Sardobada Captiva’ni hujjatsiz haydab ketgan 18 yoshli qiz YTHga uchrab halok bo‘ldi
- Jizzaxda bir kunda sodir bo‘lgan 2 ta YTH oqibatida ikki kishi vafot etdi. Ulardan biri 5 yoshli qizcha
- Andijonda Nexia va ikkita Spark ishtirokida sodir bo‘lgan YTH oqibatida ona-bola halok bo‘ldi
Izoh (0)