Samarqand viloyatida hali qurilishi tugallanmagan uylarni fuqarolarga tayyor uy deb sotgan shaxslar qo‘lga olindi, deb xabar beradi “Daryo”ga Bosh prokuratura.
Qayd etilishicha, Bosh prokuratura huzuridagi вepartamentning Samarqand shahar bo‘limi tomonidan o‘tkazilgan tergovga qadar tekshiruvda, “T.I.” MChJ ta’sischisi Sh.I. va boshqalar Samarqand shahri Ro‘dakiy ko‘chasida 7 qavatli turar joy binosini qurgan. Ular turar joy binosida qurilish ishlari to‘liq tugatilmagan bo‘lsa-da, tegishli hujjatlarga tugatilganligi haqida soxta yozuv va ma’lumotlar kiritib, yashash uchun yaroqsiz bo‘lgan, tugallanmagan turar joylarni fuqarolarga sotgan.
Natijada fuqarolarga jami 1 milliard 146 million so‘m miqdorda zarar yetkazganliklari aniqlangan.
Shuningdek, yuqoridagi holat kabi “Z.S.S.” MChJ rahbari E.Sh. va boshqalar Ro‘daki ko‘chasidagi boshqa bir 7 qavatli turar joy binosini oxirgacha to‘liq qurib bitirmasdan, tegishli hujjatlarga tugatilganligi haqida soxta yozuv va ma’lumotlar kiritib, yashash uchun yaroqsiz bo‘lgan, tugallanmagan turar joylarni fuqarolarga sotgan. Natijada jami 300 million so‘m miqdorda zarar yetkazganliklari aniqlangan.
Mazkur holatlar yuzasidan “T.I.” MChJ ta’sischisi Sh.I., “Z.S.S.” MChJ rahbari E.Sh. va boshqalarga nisbatan Jinoyat kodeksining 192-11-moddasi 2-qismi (Nodavlat tijorat tashkilotida yoki boshqa nodavlat tashkilotida mansabdor shaxslar tomonidan o‘z vakolatlarini suiiste’mol qilish) va 228-moddasi 2-qismi (Hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish) bilan jinoyat ishi qo‘zg‘atilib, tergov harakatlari o‘tkazilmoqda.
Mavzuga doir:
- Surxondaryoda dehqon bozorida sumka qirqib 8 mln so‘m o‘g‘irlagan jinoiy guruhning kirdikorlari fosh qilindi
- Navoiyda Zarafshon daryosi bo‘yidan topilgan murda ishi bo‘yicha yangi tafsilotlar ma’lum qilindi
- Namanganda xonadon egalarini kaltaklab, 100 mln so‘m va 11 ming dollarni o‘margan niqobli bosqinchilar qo‘lga olindi
Izoh (0)