20-iyuldan boshlab Nyu-Yorkda botanika va hayvonot bog‘lari ochiladi, kino sanoati, sport tadbirlari tomoshabinsiz qayta yo‘lga qo‘yiladi, biroq savdo markazlari, muzeylar va kinoteatrlar yopiqiligicha qoladi. Bu haqda “RIA Novosti” xabar berdi.
Hukumat qaroriga ko‘ra, shahar epidemiologik vaziyatning yaxshilanishi fonida ochilishning 4-fazasiga o‘tmoqda.
“Kecha Nyu-Yorkda koronavirusga 78 239 ta test o‘tkazildi. 776 kishida virus aniqlangan — bu 1 foizdan ham kamroq. Bu juda yaxshi yangilik”, — deydi shtat gubernatori Endryu Kuomo.
Uning so‘zlariga ko‘ra, 16-iyul kuni shtatda 10 kishi koronavirus qurboniga aylangan, shifoxonalarda 765 kishi qolmoqda. “Ushbu ko‘rsatkich 48 kishiga kamaydi. Bu 8-martdan buyon kuzatilgan eng past ko‘rsatkich”, — deydi gubernator.
Kuomoning ta’kidlashicha, shtatdagi barcha hudud 4-bosqichga o‘tadi. Bundan boshqa fazalar yo‘qligi sabab, shtat ochilishlarning so‘nggi bosqichida.
Gubernatorning eslatishicha, 4-bosqich maktablarning ochilishiga ham rusxat beradi. Nyu-Yorkda qayta ochilgan botanika va hayvonot bog‘lari tashrif buyuruvchilarni maksimal qabul qilish quvvatining 33 foiziga xizmat ko‘rsatadi.
Eslatib o‘tamiz, Nyu-York tibbiyot xizmatlari 11-iyul kuni to‘rt oydan buyon birinchi bor koronavirusdan vafot etish bo‘yicha birorta ham holatni qayd etmagan.
Izoh (0)