AQSh prezidenti Donald Tramp mamlakat boshqaruvidagi Puerto-Riko davlatini 2017-yilda halokatli dovuldan keyin sotishni taklif qilgan, dedi sobiq AQSh ichki xavfsizlik vaziri Eleyn Dyuk The New York Times gazetasiga bergan intervyusida.
Uning so‘zlariga ko‘ra, prezident orolni “sotishni” yoki undan qutilishni taklif qilgan.
“Bilasizmi, prezidentdan keladigan fikrlar ko‘proq biznesmenlarning g‘oyalariga o‘xshash edi. Masalan, u ‘Elektr toki bilan ta’minlay olamizmi? Orolni sotsak bo‘ladimi?’ kabi savollar berar edi”, — deya tushuntirdi Dyuk.
Shuningdek, u Puerto-Rikoni sotish g‘oyasi hech qachon jiddiy muhokama qilinmaganini aytdi.2017-yilning kuzida Mariya dovuli Puerto-Rikoga qattiq zarba berdi. Orol ma’muriyatiga ko‘ra, dovul natijada 60 dan ortiq odam halok bo‘lgan. Jabrlanganlarga yordam berish va zarar oqibatlarini yumshatish bo‘yicha Tramp va mahalliy hokimiyat o‘rtasidagi tortishuv bo‘lgan.
Xususan, San-Xuan orolidagi eng katta shahar meri Karmen Kruz Trampni falokatni siyosiy munozaraga aylantirganlikda ayblagan. Bunga javoban prezident Puerto-Riko siyosatchilari o‘z xodimlarini yordamga jalb qila olmayotganlikda ayblagan.
Noyabr oyida Puerto-Rikoda AQSh hududiga qo‘shilish bo‘yicha referendum bo‘lib o‘tadi. Puerto-Riko gubernatori Vanda Vaskes Gardes qonun loyihasini may oyida imzolagan va orolda yashaydigan 3,2 million amerikalik fuqaro uchun to‘liq tenglik kerakligini aytgan.
Bu oxirgi sakkiz yil ichida Puerto-Rikoga Qo‘shma Shtatlarga qo‘shilish bo‘yicha uchinchi referendum. Agar ijobiy qaror qabul qilinsa, orol 51-shtatga aylanadi. 2017-yilgi referendumda ko‘pchilik AQSh tarkibiga qo‘shilishni yoqlagan. Biroq Demokratlar partiyasi bunga qarshi chiqqandi. Yana bir referendum 2012-yilda o‘tkazilgan. O‘shanda Amerika shtati maqomi uchun 61 foiz Puerto-Riko aholisi ovoz bergan. Ammo mazkur qarorga Respublikachilar partiyasi qarshi chiqqan.
Puerto-Riko hozirda AQSh tomonidan boshqariladigan hudud maqomiga ega, ammo uning ajralmas qismi emas. Amerika Konstitutsiyasi uning hududida cheklangan. Kongressda Puerto-Riko nomidan birgina delegat mavjud bo‘lib, uning ovoz berish huquqi yo‘q. U prezident saylovlarida ishtirok eta olmaydi.
Izoh (0)