Toshkent shahri Yakkasaroy tumanida etil spirtining noqonuniy savdosi oldi olindi, deya xabar beradi Bosh prokuratura.

Qayd etilishicha, Bosh prokuratura huzuridagi departamentning Yakkasaroy tuman bo‘limi tomonidan o‘tkazilgan tezkor tadbirda fuqaro M.A. xorijda ishlab chiqarilgan 2 tonna etil spirti va 100 dona idishlarni xaridor A.ga 52,5 million so‘mga sotgan vaqtida ashyoviy dalil bilan ushlangan.

Mazkur holat yuzasidan fuqaro M.A.ga nisbatan Jinoyat kodeksining 186-1-moddasi 1-qismi (Etil spirti, alkogolli mahsulot va tamaki mahsulotini qonunga xilof ravishda ishlab chiqarish yoki muomalaga kiritish) bilan jinoyat ishi qo‘zg‘atilib, tergov harakatlari o’tkazilmoqda.

Avvalroq Moliya vazirligi antiseptik vositalarga bo‘lgan talab oshgani sabab etil spirti sotuvi ustidan nazorat o‘rnatgan edi.