“Atletiko” La Ligada “Barselona”ga qarshi o‘yinlardagi noxush an’anasini davom ettirdi

Madridning “Atletiko” klubi 10 yildan beri Ispaniya La Ligasida “Barselona”ni mag‘lub eta olmayapti.

So‘nggi marta “matraschilar” La Liga doirasida 2010-yilning fevral oyida kataloniyaliklarni mag‘lubiyatga uchratgan. O‘shanda “Atletiko”ni Kike Sanches Flores boshqarardi. Shundan keyingi o‘yinlarda “Barselona” 14 marta g‘alaba qozongan bo‘lsa, 6 marta jamoalar murosa yo‘lini tanlagan.

33-tur doirasida “Kamp Nou”da o‘tkazilgan o‘yinda “Barselona” va “Atletiko” jamoalari 2:2 hisobidagi durangni qayd etdi.

Bundan tashqari, Madrid klubi Diyego Simeone qo‘l ostida “Barselona”ni safar o‘yinlarida mag‘lub etishni ham uddalay olmayapti. Bu seriya barcha musobaqalar doirasida 11 ta o‘yindan iborat. Kataloniyaliklar 6 ta o‘yinda g‘alaba qozongan, 5 ta o‘yin esa durang bilan yakunlangan.

Ushbu natijadan keyin Madrid klubi 59 ochko to‘plagan holda, musobaqa jadvalida 3-o‘rnida borayotgan bo‘lsa, “Barselona” 70 ochko bilan 2-pog‘onani egallab turibdi.