O‘zbekistonda bir qator sanitariya-karantin cheklovlariga rioya etilishi ustidan nazoratni kuchaytirish bo‘yicha chora-tadbirlar belgilandi. Bu haqda Respublika maxsus komissiyasining 30-iyun kuni qilingan navbatdagi axborotida ma’lum qilingan.
Jumladan,
- jamoat joylari va tadbirkorlik faoliyati obyektlarida ijtimoiy masofa (2 metr)ni saqlash, uch kishidan ortiq yig‘ilmaslik, fuqarolarning tibbiy niqob va qo‘lqopdan hamda antiseptik vositalaridan doimiy ravishda foydalanish;
- yo‘nalishlarda harakatlanayotgan avtobuslar salonlarida sanitariya-epidemiologiya talablariga rioya etish, shu jumladan, yo‘lovchilarni ijtimoiy masofani saqlagan holda joylashtirish;
- supermarket va boshqa yirik do‘konlarga kirishda fuqarolarni bepul tibbiy qo‘lqop bilan ta’minlash;
- “sariq” hududlarda (soat 06:00 dan – 22:00 ga qadar) va “qizil” hududlarda (07:00 dan – 10:00 gacha, 17.00 dan – 20.00 gacha) avtotransport vositalarida harakatlanishga ruxsat berilgan vaqtdan boshqa vaqtlarda harakatlanmaslik;
- to‘y, ma’raka va marosimlarni fuqarolarning uy-joyi va hovlisining o‘zida 30 kishidan ko‘p bo‘lmagan (faqat yaqin qarindoshlar va ushbu tuman hududida istiqomat qiluvchi boshqa qarindoshlar) hamda sanitariya va gigiyena talablariga qat’iy rioya etgan holda o‘tkazish.
- avtobus salonlarida sanitariya-epidemiologiya talablarini buzish,
- avtotransport vositalaridan ruxsat berilgan vaqtdan tashqarida foydalanish,
- jamoat joylari va tadbirkorlik faoliyati obyektlarida ijtimoiy masofa (2 metr)ni saqlamaslik,
- uch kishidan ortiq yig‘ilish,
- tibbiy niqobdan foydalanmaslik,
- oilaviy tantana, to‘y, ma’raka va marosimlarni o‘tkazish tartibini buzish —
Karantin cheklovlari sharoitida ruxsat berilmagan tadbirkorlik faoliyati (xostellar, tungi klublar, diskoteka, spa va massaj salonlar, karaoke, bilyard zallari, chilim (kalyan) va kompyuter o‘yinlari markazlari) bilan shug‘ullanmaslik Milliy gvardiya, Ichki ishlar, soliq organlari va Sanitariya-epidemiologiya nazorati davlat inspeksiyasi tomonidan muntazam ravishda profilaktika tadbirlarini o‘tkazgan holda nazoratga olish va mazkur talablarni buzgan shaxslarga nisbatan qonun hujjatlarida belgilangan tartibda ma’muriy javobgarlikka tortish belgilandi.
Toshkent shahriga avtotransport vositalarining kirib-chiqish postlarida sanitariya-gigiyena va karantin talablariga rioya etish, shu jumladan, avtotransport vositalarini dezinfeksiyadan o‘tkazish talablariga qat’iy rioya etish talab etiladi.
Mavzuga doir:
- O‘zbekistonga qaytgan fuqarolarning 14 kunlik karantinni mehmonxonada o‘tkazishiga doir vaqtinchalik tartib tasdiqlandi
- O‘zbekistonda 5-iyuldan boshlab koronavirusga chalingan ayrim toifa bemorlar o‘z uyida davolanishi mumkin bo‘ladi
- O‘zbekistonning “qizil” va “sariq” hududlarida soat 23:00 dan keyin ko‘chada yurish taqiqlandi
- O‘zbekistondagi barcha buyum bozorlari haftaning har shanba va yakshanba kunlari yopiladi
Izoh (0)