Namangan viloyati Norin tumanida yashovchi, 2004-yilda tug‘ilgan maktab o‘quvchisi onasining nomida bo‘lgan Damas’da uch nafar ayolni urib yubordi va ulardan birining o‘limiga sabab bo‘ldi. Bu haqda Namangan viloyati IIB xabar berdi.
Ma’lum qilinishicha, 2020-yilning 28-iyun kuni soat 12:10 Norin tumanida yashovchi, 2004-yilda tug‘ilgan, tumandagi 15-sonli maktabning 9-sinf o‘quvchisi onasining nomida bo‘lgan Damas mashinasini boshqarib borayotganda YTH sodir etgan.
O‘smir mashinani boshqarish chog‘ida harakat xavfsizligini ta’minlay olmay, o‘zidan oldinda ketayotgan piyodalar, Norin tumanida yashovchi, 1982, 1976, va 1977-yillarda tug‘ilgan uch nafar ayolni urib yuborgan.
Natijada piyodalar og‘ir tan jarohati olgan, ayollardan biri voqea joyida vafot etgan. Ikki nafari turli xil darajadagi tan jarohatlari bilan shifoxonaga yotqizilgan.
Ushbu holat bo‘yicha Norin tuman IIB tomonidan 28-iyun kuni Jinoyat kodeksining 266-moddasi 2-qismi bilan jinoyat ishi qo‘zg‘atilgan.
Mavzuga doir:
- Dehqonobodda mahalla kotibi boshqaruvidagi “UAZ” 10-15 metr balandlikdan quladi
- Toshkentda sodir bo‘lgan YTH oqibatida mototsikl haydovchisi halok bo‘ldi
- Uchtepada Spark urib yuborgan 73 yoshli erkak shifoxonada vafot etdi
- Jizzaxda qarama-qarshi yo‘nalishga chiqib ketgan Lacetti velosipedchini urib yuborib, yana ikkita mashina bilan to‘qnashdi (video)
Izoh (0)