Toshkent tibbiyot akademiyasining ko‘p tarmoqli klinikasida 52 nafar, Virusologiya ilmiy-tekshirish instituti klinikasida 16 nafar hamda Samarqand viloyatida 6 nafar, jami 74 nafar bemor sog‘ayib, 19-iyun kuni o‘z uylariga kuzatildi, deb xabar bermoqda SSV matbuot xizmati.
Qayd etilishicha, endilikda Toshkent shahri va viloyatida 3437 holatda kasallik qayd etilishi barobarida 2198 nafar bemor sog‘aydi. Ayni paytda poytaxtdagi davolash muassasalarida 1228 nafar bemor davolanmoqda.
Samarqand viloyatida esa 397 holatda kasallik aniqlangan bo‘lsa, shundan 378 nafar bemor ushbu infeksiyadan tuzaldi. Hozirda viloyatda 17 nafar bemor davolanmoqda.
Shunday qilib, ayni paytga qadar O‘zbekistonda koronavirusga chalingan 5855 nafar bemorning 4273 nafari sog‘aydi.
Kasallanganlarning umumiy soni esa 19-iyun soat 10:00 holatiga ko‘ra 5855 nafarga yetdi, bemorlarning 19 nafari kasallik asoratlari oqibatida vafot etgan.
Izoh (0)