AQSh davlat kotibi Maykl Pompeo dunyoda diniy erkinlik bo‘yicha yillik hisobotni taqdim etish munosabati bilan 10-iyun kuni o‘tkazilgan brifingda O‘zbekiston hukumatini mamlakatda diniy erkinlik bilan bog‘liq vaziyat yaxshilangani uchun maqtab o‘tdi.
“O‘zbekistonda diniy erkinlik bilan bog‘liq vaziyatni yaxshilash bo‘yicha bir qator qadamlar qo‘yildi va bu davom etmoqda. Yil boshida men ushbu mamlakatda bo‘lganimda, diniy arboblar bilan ajoyib muzokaralar o‘tkazdim”, — deydi Pompeo.
Uning so‘zlariga ko‘ra, 2019-yilda AQSh hukumati mamlakatda diniy guruhlarga qarshi qaratilgan birorta ham operatsiya o‘tkazilmaganini qayd etgan. 2018-yilda bu raqam 114 ta, 2017-yilda esa 240 tani tashkil etgani ta’kidlangan.
“Bu katta yutuq, haqiqiy progress. Davlat departamentining sa’y-harakatlari o‘z samarasini bermoqda”, — deya qayd etadi AQSh davlat kotibi.
Mavzuga doir:
Izoh (0)