Toshkent viloyati O‘rta Chirchiq tumanida 38 yoshli M.Sh. hamda 36 yoshli N.B. o‘rtasidagi nizo bir kishining o‘limi bilan yakun topdi. Bu haqda IIV huzuridagi Tergov departamenti xabar qilgan.
Unga ko‘ra, 2020 yilning 4-iyun kuni taxminan soat 02:00 da fuqaro 36 yoshli N.B. mast holatda o‘zi yashab kelayotgan O‘rta Chirchiq tumani Guliston ko‘chasidagi qo‘shnisi 38 yoshli M.Sh. janjallashib qolgan va uni boshiga qattiq to‘mtoq jism bilan urib, M.Sh.ga tan jarohati yetkazgan.
M.Sh.ga birinchi tez tibbiy yordam ko‘rsatilmaganligi tufayli olgan og‘ir tan jarohatlari bilan 4-iyun kuni 16:00da hodisa joyida vafot etgan holatda topilgan.
Mazkur holat yuzasidan O‘rta Chirchiq tumani IIB huzuridagi tergov bo‘limi tomonidan N.B. ga nisbatan O‘zbekiston Respublikasi Jinoyat kodeksining 104-moddasi 3-qismi “d” bandi (Odam o‘limiga sabab bo‘lgan qasddan badanga og‘ir shikast yetkazish) bilan jinoyat ishi qo‘zg‘atilgan.
Gumonlanuvchining aybdorligi isbotlansa, 10 yildan 12 yilgacha ozodlikdan mahrum qilinishi mumkin.
Izoh (0)