“Barselona” yosh yarim himoyachi Ansu Fati transferi bo‘yicha jiddiy taklif oldi. Bu haqda Diario Sport xabar berdi.
Biroq katalon klubi prezidenti Xosep Bartomeu 17 yoshli futbolchini 100 million yevro evaziga sotishdan bosh tortdi. Hozircha Fati uchun bunday katta pulni qaysi top-klub taklif qilgani ma’lum qilinmagan.
Bartomeu o‘z qarorini “ko‘k-anorranglilar”ning boshqa rahbarlari bilan uyushtirilgan videomuloqotda e’lon qilgan: “Fati sotilmaydi. Bu muhokama qilinmaydi”.
Fati ushbu mavsumda La Ligada debyut qildi va Ispaniya chempionatining 16 o‘yinida 4 ta gol urishga muvaffaq bo‘ldi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)