Internetda yangi betmobilning tashqi ko‘rinishi tasvirlangan suratlar paydo bo‘ldi

Konsept-rassom va modelyer Jeff Frost o‘zining saytiga Betmenning yangi avtomobili suratini joylashtirib, darhol o‘chirib tashladi. Shunga qaramay, suratlar internet bo‘ylab tarqalishga ulgurgan: u Twitter’dagi The Batmen akkaunti tomonidan joylashtirilgan, deb xabar beradi Motor.

Robert Pattinson ijrosidagi Qora ritserning yangi mashinasi Amerikaning klassik maslkarlarining zamonaviy versiyasini yodga soladi, biroq futuristik dizayniga ozgina o‘zgartirish kiritilgan. Mashinaning dvigateli o‘rqa tarafida joylashgan bo‘lib, uning texnik tavsifi noma’lum: V8 yoki V10 bo‘lishi mumkin. Jalopnik nashrining yozishicha, agregat Ford’ning Triton V10 6,8 dvigateliga o‘xshaydi.

Yangi betmobilning umumiy dizayni 1970—1980-yillar komikslarini yodga soladi, mashinaning o‘zi esa Dodge Charger va Plymouth Barracuda’ga o‘xshaydi.

Ammo bunda trubasimon romli orginal shassidan foydalanilgan, shu sababli yaqin o‘xshashlik haqida gap ham bo‘lishi mumkin emas.

“Betmen” filmida britaniyalik aktyor Robert Pattinsondan tashqari, Zoi Kravis (Mushuk-ayol), Pol Daono (Riddler), Kolin Farrell (Pingvin), Jon Turturro (Karmin Falkone), Jeffri Rayt (komissar Gordon), Endi Serkis (eshik og‘asi Alfred), Piter Sarsgaard (okrug prokurori Gil Kolson).

Avvalroq “Betmen”ning taqdimoti koronavirus tufayli 2021-yilning kuziga qoldirilgani haqida xabar berilgandi.