Futbol bo‘yicha Farer orollari chempionati doirasidagi “AB Argir” va “XB Torsxavn” jamoalari o‘rtasidagi uchrashuvda noodatiy holat qayd etildi.
“Torsxavn”ning 21 yoshli hujumchisi Adrian Yustinussen 14 daqiqa ichida poker muallifiga aylandi (8, 12, 17 va 21-daqiqalar). E’tiborlisi shundaki, futbolchi uchta golni jarima zarbasi orqali urdi.
16-daqiqada kamchilik qolganiga qaramasdan, “Torsxavn” mazkur o‘yinda 5:0 hisobidagi g‘alabani qo‘lga kiritdi.
Ketma-ket uch o‘yindan buyon g‘alaba qozonib kelayotgan “XB Torsxavn” liga peshqadamligini “B36 Torsxavn” bilan bo‘lishib turibdi.
Joriy mavsum Yustinussen barcha musobaqalarda 8 o‘yin o‘tkazib, 10 ta golga mualliflik qildi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)