Turkmanistonning nafaqat viloyatlarida, balki poytaxt Ashxobod shahrida joylashgan davlat do‘konlarida ham non uchun uzun navbatlar yuzaga kelmoqda, deb xabar beradi “Xronika Turkmenistana”.
Paraxat-7 mikrorayonida joylashga va “Ahal gallaönümleri” korxonasiga tegishli davlat do‘konida kishi boshiga ikki donadan non 1 manat (2800 so‘m) evaziga sotilmoqda. Ko‘p bolali oilalar uchun bu yetmaydi, shu sababli kun davomida bir oilaning ikki-uch nafar a’zosi navbatda turmoqda.
Ushbu do‘konga Ashxoboddagi turli novvoyxonalardan non olib kelinadi, biroq “Anevskiye” nonlariga bo‘lgan talab yuqori, uning sifati xaridorlarga ma’qul. Ammo shaharliklarning ta’kidlashicha, oydan oyga ularning hajmi kichrayib, narxlari o‘zgarishsiz qolmoqda.
Xususiy do‘konlarda non doim bor, biroq u uch barobar qimmat turadi.
Izoh (0)